من شدّة ما تعبنى معايا
ناوى ارمينى
من جوّايـا
وأبعترنى ف أى متاهه
واطردنى من تحت سمايا.
دايماً قايد فيّا النّار
بستعجلنى
رغمن إن الشارع هادى
ومفيش حد ورايا بيجرى.
أنا من بدرى طموحى مقاسى
ومرتّبنى
أمشى على مهلى
اللى ف جيبى خالص ليّا
ولا ف الضّلمه حد واقفلى
وان كان بكره حيجى واقابله
حلقى بتاعى ف إيدى بأسمى
وميلزمشى
أدينى فرصه
ف لحظه وادوسنى.
***************
بستعجــلنى
ليست هناك تعليقات:
إرسال تعليق